நிலவோடு உறவாடு 1.0

நிலவோடு உறவாடு 1.0

 

விண் நிலாவைக் காட்டினாள் அன்னை.

அவ்வெண் நிலவைக் கண்டு வியந்தச் சுட்டியின் 

பிளந்த வாயில் அன்னத்தை ஊட்டினாள் அவள்.

கவளம் ஒவ்வொன்றிலும் நிலா, என் நிலா!

Picture courtesy: Farmers Almanac

நிலாச் சோறுண்டுக் காளையான அவன் 

காதலில் கட்டுண்டு வெதும்பினான்.

புதுக் கவிஞனாகி அவன் புனைந்த

காதல் கவிதைகளில் எல்லாம் நிலா, என் நிலா!

 

கோபத்தைத் தணிக்க ஒரு குளிர் நிலா.

சோகத்துற்குத் தோள்தருமொரு மென் நிலா.

புதுத் தம்பதியர் போவதோத் தேன் நிலா.

தியானத்துக்கு ஒரு முழு நிலா, நிலா, என் நிலா! 

 

நிலவைப் பாடாதக் கவிஞனும் உண்டோ!

'நிலா' என ஒப்பிடப்படாதப் பெண்தான் உண்டோ!

கவியின் பிழைப்பைக் காத்த நிலா!

காவியக் களஞ்சியம் மொத்தவும் நிலா, என் நிலா!

 

'நிலா, நிலா, ஓடி, வா' எனக் கவிஞன் பாடினாலும்  

நிலாவிற்கு விஞ்ஞானமே வழியென்றது மெஞ்ஞானம். 

ஆக, புறப்பட்டான் சந்திரயான், அக்னிபிழம்பத்தோடு. 

அதிவிரைவில் சந்திப்போம், நிலா, என் நிலாவை!

 

ஆகஸ்ட்23, 'கண்டேன், நிலாவை' என்ற நற்செய்தி வரும்!

அது என் உள்அனுமனின் அனுமானம் ஆகும்.

நற்கவி வாக்கு பொய்க்காது - தயாராகுங்கள்,

நிலவோடு உறவாடும் நேரமிது, நிலா, ஆம், நம் நிலாவோடு!


- ரா கி (ராதாகிருஷ்ணன்)

15 July 2023


Comments

  1. Easwaran15 July 2023 at 14:58

    Super Raki. Timely thought on the Nila. The new moon, the full moon, the crescents, the super moon, the blue moon .... and of course honey moon, carry a distinct memory threads in the minds of the earth's humanity of all ages. Most nostalgic thoughts are triggered by moon. Poets and lyricists haunt the moon with their verses.

    Chandrayan-3 ... succeed fully and tell us if the moon up close is as beautiful as we see from here. It is time a young generation taste the honey on our real Moon! Nila, my Nila!

    Excellent thoughts, Radha. Well expressed. Took us right into the lunar orbit!

    ReplyDelete
  2. Anguraj A15 July 2023 at 16:49

    Theinthu marainthalum meendum varuven En peyar NILA

    ReplyDelete
  3. Anonymous16 July 2023 at 09:01

    Ungal kavithai nilavai pol jolikiradu, minukiradu.

    ReplyDelete
  4. Sridhar7 August 2023 at 20:23

    RaKi, Your poems /comments are always set in the contemporary milieu. This is no exception. You have covered from simple to the sublime aspects of the moon & established the connection of the moon to the ordinary man, to science and the spiritual realm.

    ReplyDelete
  5. SuBa7 August 2023 at 20:47

    ராதா
    அருமையான நிலாக்கவிதை…
    நிலவுக்கு அருகாமையிலேயே கொண்டு சென்று விட்டாய்…
    உன் பணி வாழ்க…

    நிலாவைப் போற்றி எத்தனை பாடல்கள்…
    அந்த நிலாவத்தான் நான் கையில புடிச்சேன்…
    நிலவுக்கு என் மேல் என்னடி கோபம்…
    நாளை இந்த வேளை பார்த்து ஓடி வா நிலா…
    நிலா அது வானத்து மேலே…
    வெண்ணிலவே, வெண்ணிலவே…
    வாராயோ வெண்ணிலாவே…
    நிலாவே வா…செல்லாதே வா…
    இளய நிலா பொழிகிறது…

    இன்னும் எத்தனையோ…

    நிலவுக்கு மட்டும் ஏன் இத்தனை உயர்ந்த இடம்…ஏன் இத்தனை போற்றுதல்கள்…உண்மையிலேயே நிலா அத்தனை அழகா…

    இத்தனை கேள்விகளுக்கும் ஆகஸ்ட் 23 விடை கிடைக்குமா…சந்திராயன் 3 விளக்கம் தருமா…

    ராதா…ஆகஸ்ட் 24ம் தேதி உன் கவிதை மூலம் பதில் சொல்வாயா....காத்திருக்கிறேன்…

    ReplyDelete
  6. Anonymous8 August 2023 at 12:34

    அருமை ராகி.
    நிலாச்சோறு முதல் சந்திராயன் வரை ஒரே கவிதையில்

    - இளங்கோவன்

    ReplyDelete

Post a Comment

Popular posts from this blog

படம் எடுத்தப் பாடம் !

Image
படம் எடுத்தப் பாடம் ! வேளச்சேரி வட்டம்  வெள்ளக்காடு ஆச்சு !  அடையாறுப் பகுதியோ  அடைமழையில் மூழ்கியாச்சு ! கொளத்தூர் வீதியெல்லாம்  குளம், குளமாச்சு !   மடிப்பாக்கம் மக்கள்  மாடி ஏறியாச்சு !  சென்னை வெள்ளப் பெருக்கு மீண்டும் தலைப்பாச்சு !   ஈரமாக வந்தத் தினத்தந்தியை, ஓரமாகப் பிரித்தேன்.  தந்தியெங்கும் புகைப்படங்கள் -  'முந்திக் குதித்தத் தலைவர்கள், சந்து புந்து எங்கும்  இந்த வெள்ளப் பணியின் அதிஅவசர மேற்பார்வையில்!' எக்கச்சக்கப் படங்கள் எடுத்தது, பக்கம்பக்கமாகப் பாடம், உழைப்பைப் பற்றி, ஆம்,  கடும் உழைப்பைப் பற்றி! கூர்ந்துப் பார்த்த நான்,  அசந்துதான் போனேன் !  அசாத்திய உழைப்பு இது. அசுத்த வெள்ளக் கழிவு நீரில் மொத்தெனக் குதித்து நின்று, முழங்கால் வரை மூழ்கி,  முழுமூச்சாகக் கடமையை  முழுமையாக ஆற்றியிருந்தனர், கூப்பிடக்குரலுக்கு ஓடோடி வந்த  இப்புகைப்படக் கலைஞர்கள்! -ரா கி (ராதாகிருஷ்ணன்) 30 அக்டோபர் 2025
Read more

சேரும் சேறு !

Image
  சேரும் சேறு ! ஆற்றிலிருந்துத் தோண்டி எடுத்தச்   சேற்றுக் களிமண் கவளத்தைப்   பற்றுடன் கையால் உருட்டிப் பற்றிப் பிடித்தோம் ஆனைமுகனை ! போற்றிப் பாடி, வணங்கினோம் ! சாற்றினோம், அவன் நற்பெயரை !  ஏற்றினோம் நல் தீபத்தை !   நற் பண்டங்களைப் படைத்தோம்; உற்றாருடன் பகிர்ந்தோம், வயிறார உண்டுக் கழித்தோம் ! உற்ற நன்னாளில் நம் கணபதியை, அவ்வாற்றுக்கே எடுத்துச் சென்று, நட்டாற்றில் கரைத்தப் போது,  சற்றே மனதில் ரீங்காரித்தது,    மாற்றே இல்லாத அந்த நியதி:   'நம் சேறும், வந்த வழியேச் சேரும் !' -ரா கி (ராதாகிருஷ்ணன்) 31 Aug 2025
Read more

மரணத்தின் விளிம்பில் !

Image
மரணத்தின் விளிம்பில் ! காற்றின் வீச்சில் என் மூச்சு உயிர் பெற்றது.   பயிரின் அறுப்பில்  என் பசி ஆறியது.   காய் கனியின் நறுக்கலில்  என் உடல் ஊட்டம் பெற்றது.   மிருகயினத்தின் அற்பாயுசில் என் புரதம் செருக்கெறியது. நதியோட்டதின் தடையால் என் தாகம் தணிந்தது.   காபி விதையின் வறுத்தலில் என் பானம் சுவையானது.   பூப்  பறிப்பில் எனக்கு நறுமணம் கிட்டியது.   பருத்தி , நார் , முறுக்கலில்  என் உடை உருவானது.   பழரச ப்  பிழியலில் என் போதைக்கு ப்  போதை ஏறியது.   தாது த்  தோண்டலில் என் உபகரணங்கள் உற்பத்தியானது.   தேக்கின் முறிவில் என் கட்டில் உண்டானது.   ரப்பர் மரத்தின் அழுகையில்   என் வண்டிச்சக்கரம் லகுவானது.   பச்சிலையின்  கசக்கலில்  என் உடல் குணமானது.   இன்னும் பற்பல பெற்றேன் புவிச் செல்வ ச்   சகாக்களை துன்புறுத்தி !   ஆனால் நான் கொண்டு வந்தது என்ன  ? திரும்ப க்  கொடுத்தது தான் என்ன  ?   மரணத்தின் விளிம்பில் விடைகளைத் தேடுகிறேன்.   பெற...
Read more