மரணத்தின் விளிம்பில் !

மரணத்தின் விளிம்பில் !

காற்றின் வீச்சில்
என் மூச்சு உயிர் பெற்றது.
 
பயிரின் அறுப்பில் 
என் பசி ஆறியது.
 
காய் கனியின் நறுக்கலில் 
என் உடல் ஊட்டம் பெற்றது.
 
மிருகயினத்தின் அற்பாயுசில்
என் புரதம் செருக்கெறியது.

நதியோட்டதின் தடையால்
என் தாகம் தணிந்தது.
 
காபி விதையின் வறுத்தலில்
என் பானம் சுவையானது.
 
பூப்  பறிப்பில்
எனக்கு நறுமணம் கிட்டியது.
 
பருத்தி, நார், முறுக்கலில் 
என் உடை உருவானது.
 
பழரசப் பிழியலில்
என் போதைக்குப் போதை ஏறியது.
 
தாதுத் தோண்டலில்
என் உபகரணங்கள் உற்பத்தியானது.
 
தேக்கின் முறிவில்
என் கட்டில் உண்டானது.
 
ரப்பர் மரத்தின் அழுகையில்  
என் வண்டிச்சக்கரம் லகுவானது.
 
பச்சிலையின்  கசக்கலில் 
என் உடல் குணமானது.
 
இன்னும் பற்பல பெற்றேன்
புவிச் செல்வச்  சகாக்களை துன்புறுத்தி !
 
ஆனால் நான் கொண்டு வந்தது என்ன ?
திரும்பக் கொடுத்தது தான் என்ன ?
 
மரணத்தின் விளிம்பில்
விடைகளைத் தேடுகிறேன்.
 
பெற்றது உலகளவு   
கொடுத்ததுக் கடுகளவு கூட இல்லை !
 
செல்வங்கள் பல ஈட்டியும்
மரண வாசலில் ஏழையாய் நிற்கிறேன்.
 
போதை தெளியும் வேளை
பேதை ஆனேன்.
 
எல்லாம் அள்ளித் தந்த புவிக்கு 
இப்பூவுடல் தவிர வேறில்லை என் காணிக்கை.

-       - ரா கி என்கிற ராதா கிருஷ்ணன்

💔


Comments

  1. Easwaran31 July 2022 at 11:20

    Surukkendru kuthiyathu, kavi Rakiyae! The Earth's pain behind our pleasures pricks the conscience. Very sharp prick. Do something today before it is too late is the message. Nice read and call for action RaKi.

    ReplyDelete
  2. Anonymous31 July 2022 at 16:19

    அருமையான வரிகள். ஆழ்ந்த கருத்து…சிந்திக்கத் தூண்டியது..இது வரையில் ஏதும் செய்யவில்லையே என்று விசனப் படாமல் இனி மிஞ்சி இருக்கும் நாட்களிளாவது என்ன செய்யப் போகிறோம் என்ற எண்ணம் தலை தூக்கியது…இந்த விழிப்புணர்ச்சியைத் தூண்டிய ராகிக்கு நன்றி…உன் பணிகள் தொடரட்டும்…

    ReplyDelete
  3. Sridhar31 July 2022 at 22:40

    Great going RaKi....👏👏👏Very profound thoughts ! When one is reflective of his role in the wordly scheme of things such humane thoughts make us pause and take a more compassionate view of things. In a divine context, I recall Thirumoolar who provides us some hint of starting with simple things for us to ponder....which suits this *Suruk*Simple prescription for a fruitful life

    திருமூலர் திருமந்திரம்
    முதல் தந்திரம்
    பத்தாம் திருமுறை
    திருச்சிற்றம்பலம்
    யாவர்க்குமாம் இறைவற்கு ஒரு பச்சிலை
    யாவர்க்குமாம் பசுவுக்கு ஒரு வாயுறை
    யாவர்க்குமாம் உண்ணும் போதொரு கைப்பிடி
    யாவர்க்குமாம் பிறர்க்கு இன்னுரை தானே.
    திருச்சிற்றம்பலம்
    thirumUlar thiruman^thiram
    mudhal than^thiram
    paththAm thirumuRai
    thirucciRRambalam
    yAvarkkumAm iRaivaRku oru paccilai
    yAvarkkumAm pacuvukku oru vAy uRai
    yAvarkkumAm uNNum pOthoru kaippiDi
    yAvarkkumAm piRarkku innurai thAnE.
    thirucciRRambalam
    Meaning:
    It is for all, (to offer) a green (fresh) leaf to God.
    It is for all, (to provide) a mouthful of food for the cows
    It is for all, (to donate) one handful of food when eating,
    It is for all, (to speak) pleasant words to others.
    Notes:
    1. The prescription thirumUlar gives here is easy and
    simple to be followed by anybody and everybody.
    Divinity embedded charity for the benefit of the 
    world along with self !
    2. uRai - food; innurai - pleasant words.

    ReplyDelete
    Replies
    1. Konda Radha31 July 2022 at 23:36

      Thank you Sridhar for your comments and for highlighting the profound aspects of Thirumoolar's Thirumandiram.

      Delete
  4. Anonymous31 July 2022 at 23:12

    இறந்து விட்ட மனிதனை நாம் இயற்கை எய்தினான் என்று சாதாரணமாக கூறுவோம். ஆனால் மனிதன் வாழும் ஒவ்வொறு நொடிகளிளும் இயற்கையோடு ஒன்றி வாழ இயலாமையை, நான் என்ற உளவியல் சுழற்சியில் சிக்கி இந்த உயிரை பற்றியோ படைத்தல் பற்றியோ சிறிதேனும் கவனம் இல்லாமல் போனதை என்னவென்பதோ?!

    ReplyDelete
    Replies
    1. Konda Radha31 July 2022 at 23:37

      Thank you Mr Raja for your comments and expression of anguish.

      Delete
  5. Anonymous1 August 2022 at 20:24

    Sirappu RA.KI avargale 👏
    Arumayana karuthu with truth stuffed in it 👏

    ReplyDelete
  6. Anguraj A1 August 2022 at 21:23

    Vallalar thedum MANITHANAI innum kanavillaiye..ungal thedal arumai.

    ReplyDelete
  7. சுயம்பு2 August 2022 at 18:33

    அருமையான வரிகள் !அற்புதமான கருத்து!

    ReplyDelete
  8. Anonymous17 August 2022 at 20:46

    Excellent words Uncle!simply superb...

    ReplyDelete

Post a Comment

Popular posts from this blog

படம் எடுத்தப் பாடம் !

Image
படம் எடுத்தப் பாடம் ! வேளச்சேரி வட்டம்  வெள்ளக்காடு ஆச்சு !  அடையாறுப் பகுதியோ  அடைமழையில் மூழ்கியாச்சு ! கொளத்தூர் வீதியெல்லாம்  குளம், குளமாச்சு !   மடிப்பாக்கம் மக்கள்  மாடி ஏறியாச்சு !  சென்னை வெள்ளப் பெருக்கு மீண்டும் தலைப்பாச்சு !   ஈரமாக வந்தத் தினத்தந்தியை, ஓரமாகப் பிரித்தேன்.  தந்தியெங்கும் புகைப்படங்கள் -  'முந்திக் குதித்தத் தலைவர்கள், சந்து புந்து எங்கும்  இந்த வெள்ளப் பணியின் அதிஅவசர மேற்பார்வையில்!' எக்கச்சக்கப் படங்கள் எடுத்தது, பக்கம்பக்கமாகப் பாடம், உழைப்பைப் பற்றி, ஆம்,  கடும் உழைப்பைப் பற்றி! கூர்ந்துப் பார்த்த நான்,  அசந்துதான் போனேன் !  அசாத்திய உழைப்பு இது. அசுத்த வெள்ளக் கழிவு நீரில் மொத்தெனக் குதித்து நின்று, முழங்கால் வரை மூழ்கி,  முழுமூச்சாகக் கடமையை  முழுமையாக ஆற்றியிருந்தனர், கூப்பிடக்குரலுக்கு ஓடோடி வந்த  இப்புகைப்படக் கலைஞர்கள்! -ரா கி (ராதாகிருஷ்ணன்) 30 அக்டோபர் 2025
Read more

சேரும் சேறு !

Image
  சேரும் சேறு ! ஆற்றிலிருந்துத் தோண்டி எடுத்தச்   சேற்றுக் களிமண் கவளத்தைப்   பற்றுடன் கையால் உருட்டிப் பற்றிப் பிடித்தோம் ஆனைமுகனை ! போற்றிப் பாடி, வணங்கினோம் ! சாற்றினோம், அவன் நற்பெயரை !  ஏற்றினோம் நல் தீபத்தை !   நற் பண்டங்களைப் படைத்தோம்; உற்றாருடன் பகிர்ந்தோம், வயிறார உண்டுக் கழித்தோம் ! உற்ற நன்னாளில் நம் கணபதியை, அவ்வாற்றுக்கே எடுத்துச் சென்று, நட்டாற்றில் கரைத்தப் போது,  சற்றே மனதில் ரீங்காரித்தது,    மாற்றே இல்லாத அந்த நியதி:   'நம் சேறும், வந்த வழியேச் சேரும் !' -ரா கி (ராதாகிருஷ்ணன்) 31 Aug 2025
Read more